• ६ कार्तिक २०७७, बिहीबार
प्रधानमन्त्री ओलीद्वारा उद्घाटन : अब सर्वसाधारणले पनि हेर्न पाइन्छ श्रीपेच
  • स्टुडियाे संवाददाता

 

नारायणहिटी दरबार सङ्ग्रहालयमा रहेको शाहवंशीय राजाहरुले लगाउने श्रीपेच अवलोकन गरी प्रधानमन्त्री ओलीले उद्घाटन गरेका छन् । सोमबार नारायणहिटी पुगेर ओलीले श्रीपेचको अवलोकन गरी उद्घाटन गरेसँगै अब सर्वसाधारणका लागि पनि खुला भएको छ ।

नारायणहिटी दरबार हेर्न जाने जो कोहीले पनि अब श्रीपेचको अवलोकन गर्न पाउने भएका छन् । नारायणहिटी दरबार सङ्ग्रहालयको सुर्खेत र रुपन्देही कक्षमा श्रीपेच हेर्न सकिने छ ।

शाहवंशी राजाहरुले लगाउने श्रीपेच सोमबारबाट सर्वसाधारणका लागि हेर्न खुला गरिँएको छ । श्रीपेचका साथमा राजदण्ड, तत्कालीन रानीको मुकुट, तरबार, झारी, चमरलगायत सामग्री पनि अवलोकनका लागि राखिएको पुरातत्व विभागका महानिर्देशक भेषनारायण दाहालले जानकारी दिए । २०२८ सालमा यो श्रीपेच पूर्वराजा विरेन्द्रका लागि तयार गरिएको थियो ।

नारायणहिटी दरवार सङ्ग्रहालयका सुर्खेत र रुपन्देही कक्षमा रहेका ती समाग्री सोमबारबाटै सर्वसाधारणहरुले पनि हेर्न पाउने पुरातत्व विभागका महानिर्देशक भेषनारायण दाहालले जानकारी दिए । पुरातत्व विभागले सुरक्षाका साथ श्रीपेचलाई प्रदर्शनमा राखिने जनाएको छ ।

हाल प्रदर्शनमा राख्न लागिएको श्रीपेच राजा विरेन्द्रका लागि २०२८ सालमा प्रेमलाल श्रेष्ठले तयार गरेका थिए ।

  • ३० आश्विन २०७५, मंगलवार प्रकाशित
  • नेपाली स्टुडियाेमा प्रकाशित कुनै समाचारमा तपाईंको गुनासो भए हामीलाई mail.nepalistudio@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

    Nabintech