• ६ कार्तिक २०७७, बिहीबार
मोर्चाले निर्वाचन विरोधी कुनै गतिविधि नगर्ने
  • स्टुडियाे संवाददाता

मोर्चाले निर्वाचन विरोधी कुनै गतिविधि नगर्ने

नेपाल राष्ट्रवादी संयुक्त मोर्चाले निर्वाचनको समयमा आफ्ना सबै गतिविधिलाई शान्तिपूर्ण बनाउने प्रतिबद्धता जनाएको छ ।

झापाका अग्रज अधिकारकर्मी तथा नागरिक समाजका प्रतिनिधिसँग संवाद समूहमा बुधबार भएको छलफलमा मोर्चाका केन्द्रीय पदाधिकारीले त्यस्तो प्रतिबद्धता जनाएका हुन् ।

उनीहरूले आफ्ना विचार र कार्यक्रमलाई शान्तिपूर्ण बाटोबाट जनतासमक्ष पुर्‍याउने जनाएका छन्। ‘मोर्चाको कार्यक्रम, निर्वाचन र शान्ति–सुरक्षाको सवाल’ बारे भएको छलफलमा चार बुँदे प्रतिबद्धता पनि व्यक्त गरिएको छ।

निर्वाचन रोक्न माग गरेको र विरोधी गतिविधि गरेको आरोपमा अघिल्लो साता मोर्चाका केन्द्रीय नेता बिर्तामोडबाट पक्राउ परेका थिए । छलफलमा मोर्चाका नेताले आफूहरू निर्वाचन विरोधी नभएको, निर्वाचन बिथोल्ने कुनै गतिविधि नगरेको र नगर्ने प्रतिबद्धतासमेत जनाएका छन् ।

पछिल्लो समय विभिन्न पक्षबाट शान्ति सुरक्षा खल्बल्याउन बम विस्फोट गराउनेलगायतका गतिविधि भइरहेको भन्दै मोर्चाका नेतासहित छलफलमा सहभागीले त्यस्ता गतिविधि तत्काल रोक्न सम्बन्धित पक्षलाई आग्रह गरेका छन्।

प्रतिबद्धता तथा सहमतिमा मोर्चाका केन्द्रीय संयोजक रामचन्द्र क्षेत्री बानियाँ, संगठन विभाग प्रमुख महेन्द्र शर्मा, केन्द्रीय सदस्य सुरेन्द्र कार्की र झापा जिल्ला अध्यक्ष कृष्ण चुडालले हस्ताक्षर गरेका छन् ।

मोर्चाका नेताले ३७ जिल्लामा आफ्नो संगठन विस्तार भएको जनाउँदै मोर्चा शान्तिको पक्षमा रहेको बताएका छन् ।

  • १४ मंसिर २०७४, बिहीबार प्रकाशित
  • नेपाली स्टुडियाेमा प्रकाशित कुनै समाचारमा तपाईंको गुनासो भए हामीलाई mail.nepalistudio@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

    Nabintech