• ११ कार्तिक २०७७, मंगलवार
नेपालको ‘प्लेइङ सेट’ सार्वजनिक, यस्तो छ भुटानविरुद्ध खेल्ने टिम

नेपाल र भुटानबीचको खेल त्रिपुरेश्वरस्थित दशरथ रंगशालामा दिउँसो ३ बजेदेखि सुरु हुनेछ

  • स्टुडियाे संवाददाता

नेपालमा जारी १३औं दक्षिण एसियाली खेलकुद (साग)अन्तर्गत पुरुष फुटबलका लागि नेपालले भुटानविरुद्ध खेल्ने सुरुआती ११ सार्वजनिक गरेको छ । स्वर्णका लागि हुन लागेको भिडन्तका लागि नेपालले अन्डरडग भुटानसँग प्रतिस्पर्धा गर्ने ‘प्लेइङ सेट’ सार्वजनिक गरेको हो ।

दशरथ रंगशालामा हुने खेलका लागि कप्तान सुजल श्रेष्ठ, सुमन अर्याल, तेज तामाङ, नितिन थापा, विक्रम लामा, सुनील बल, अभिशेख रिजाल, अनन्त तामाङ, विकाश खवास, मिक्चेन तामाङ र विकेश कुथु रहेका छन् । आजको खेलमा रेजिन शुब्बा खेल्ने छैनन् । उनले बंगलादेशविरुद्धको खेलमा दोस्रो पहेलो कार्ड पाएका थिए ।

नेपाल र भुटानबीचको खेल त्रिपुरेश्वरस्थित दशरथ रंगशालामा दिउँसो ३ बजेदेखि सुरु हुनेछ । सागको इतिहासमा पहिलो पटक फाइनलमा पुगेको भुटान र पाचौं पटक फाइनल पुगेको नेपालबीचको खेल रोमाञ्चक हुने देखिन्छ ।

नेपाल अघिल्लो सागअन्तर्गत पुरुष फुटबलको स्वर्ण पदक विजेता हो । उसले सन् २०१६ मा भारतको गुहावटीमा भएको फाइनलमा खेलमा घरेलु टोलीलाई हराउँदै उपाधि उचालेको थियो ।

  • २४ मंसिर २०७६, मंगलवार प्रकाशित
  • नेपाली स्टुडियाेमा प्रकाशित कुनै समाचारमा तपाईंको गुनासो भए हामीलाई mail.nepalistudio@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

    Nabintech