मोदीको शपथमा पाँच छिमेकीलाई मात्रै निम्तो

 

भारतका प्रधानमन्त्री नरेन्द्र मोदीको शपथग्रहण समारोहमा आठमध्ये पाँच छिमेकी मुलुकलाई मात्रै निम्तो गरिएको छ। बहुपक्षीय प्राविधिक तथा आर्थिक सहयोगका लागि बंगालको खाडी(बिमस्टेक) सदस्य रहेका नेपाल, भुटान, बंगलादेश, म्यानमार र श्रीलंकालाई मात्र अतिथिका रूपमा निमन्त्रणा गरिएको छ।

नयाँ पत्रिका दैनिकका अनुसार छिमेकी पाकिस्तान, अफगानिस्तान र चीनलाई निम्तो छैन। बिमस्टेक सदस्य थाइल्याण्डका कार्यकारी प्रमुखलाई पनि अतिथिका रूपमा निम्तो छ।

सांघाई कोअपरेसन अर्गनाइजेसनको सध्यक्ष राष्ट्र कर्गिस्तान र भारतीयको बाहुल्य रहेको मोरिससका कार्यकारी प्रमुखलाई पनि मोदीको शपथग्रहणमा निम्तो गरिएको छ। भारतीय विदेश मन्त्रालयले छिमेक प्रथम नीतिअनुसार छिमेकीहरूलाई सपथग्रहणमा बोलाएको हो।

प्रकाशित मिति :- १५ जेष्ठ २०७६, बुधबार ०६:३९