• ७ बैशाख २०७८, मंगलवार
प्रचण्डकाे डरलाग्दाे भाषण हेर्नुहाेस, दासढुंगा र दरबार हत्याकाण्डजस्ता घटना हुन सक्छन्
  • स्टुडियाे संवाददाता

नेकपा माओवादी केन्द्रका अध्यक्ष प्रचण्डले वाम एकतासँगै नेपाली कम्युनिष्ट आन्दोलनमा नयाँ बहस सुरु भएको बताएका छन् ।

शुक्रबार माओवादी केन्द्रका पोलिटब्युरो सदस्य रामराज रेग्मीद्वारा लेखिएको नेपालको इतिहासमाः एक माक्र्सवादी दृष्टिकोण नामक पुस्तकको विमोचन कार्यक्रममा बोल्दै अध्यक्ष प्रचण्डले माओवादी–एमालेबीचको एकतालाई जनताले दुई तिहाई बहुमतद्वारा अनुमोदन गरिसकेको बताए ।

कार्यक्रममा बोल्दै उनले भने, हामीले पार्टी एकताका विषयमा नयाँ विमर्श सुरु गरेका छौं, जनताले यसलाई दुई तिहाई बहुमतदुवारा अनुमोदन गरिसकेका छन्, यो एकता प्रक्रियाबाट अर्को वर्गले हार्दैछ, हामीले जित्दैछौ ।’ अध्यक्ष प्रचण्डले आफ्नो नेचर पुल भत्काएर अघि बढ्ने भएको दाबी गर्दै २०५२ सालमा जसरी अहिले पनि आफुले कम्युनिष्ट आन्दोलनभित्र क्रमभंग गर्दै पुल भत्काएर अघि बढेको समेत प्रस्ट पारे ।

उनले भने, मेरो नेचर पुल भत्काएर अघि बढ्ने छ, ०५२ पनि पुल भत्काएर अघि बढे, अहिले पनि पुल भत्काएर अघि बढिरहेको छु ।’ मुलुक स्थायित्व र समृद्धितिर गएपछि प्रतिक्रियावादीहरुले षडयन्त्र समेत गर्न सक्ने बताउँदै उनले त्यो बेला मदन भण्डारी र दरबार हत्याकाण्डजस्ता घटनाहरु हुनसक्ने समेत उनले आशंका व्यक्त गरे ।

कार्यक्रममा झलक सुवेदी र मुरारी अर्यालले पुस्तकमाथि टिप्पणी गरेका थिए ।

  • ११ फाल्गुन २०७४, शुक्रबार प्रकाशित
  • नेपाली स्टुडियाेमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

    Nabintech