• १४ मंसिर २०७७, आईतवार
रेशमलाल चौधरी नपाउने भए सांसद बन्न
  • स्टुडियाे संवाददाता

राजपा नेपालका नेता रेशमलाल चौधरी सांसद बन्नबाट बञ्चित हुने भएका छन् । उनी कैलाली १ बाट निर्वाचित प्रतिनिधिसभा सदस्य हुन् ।

टिकापुर घटनाकाे मूख्य आरोपित चौधरी प्रहरीकाे ‘मोस्ट वान्टेट’ सूचीकाे खोजीमा छन् । उनी हाल फरार छन् । वारेसनामा मार्फत मनोनयन दर्ता गरी चुनाव जितेका चौधरीलाई सर्वोच्चको फैसलाले सांसद बन्नबाट राेक्नुका साथै पक्राउ गरी अदालतमा पेश गर्न अादेश दियाे ।

विजयी प्रमाणपत्र पनि वारेसमार्फत पाउनु पर्ने माग दाबी गर्दै उनकी श्रीमति सर्वोच्च पुगेकी थिइन् । तर, उनको रिट सर्वोच्च प्रशासनले दरपीठ गरिदिएको थियो ।

दरपीठ विरुद्ध परेको निवेदन बारे न्यायाधीश टंकबहादुर मोक्तानको इजलासले फैसलाले रजिष्टारको निर्णय सदर गरेको हो ।

फैसलामा फरार अभियुक्तलाई जुन सुकैबेला पक्राउ गरी अदालतमा उपस्थित गराउन पनि सम्वन्धित निकायलाई सचेत गराएको छ ।

अभियोग लागेका व्यक्तिले कानुन बमोजिम सफाइ लिनुपर्ने कानुनी प्रावधान भएता पनि चौधरीले त्यसो गरेको नपाइएको सर्वोच्चको फैसलामा उल्लेख छ ।

  • ९ पुष २०७४, आईतवार प्रकाशित
  • नेपाली स्टुडियाेमा प्रकाशित कुनै समाचारमा तपाईंको गुनासो भए हामीलाई mail.nepalistudio@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

    Nabintech