• ६ आश्विन २०७७, मंगलवार
सिनियर डिभिजनल इन्जिनयर गोइत सिरहाबाट पक्राउ
  • स्टुडियाे संवाददाता

 

पूर्वाधार विकास डिभिजन कार्यालय सिरहाका प्रमुख तथा सिनियर डिभिजनल इन्जिनियर राजकुमार गोइत पक्राउ परेका छन् ।

गोइतलाई सिरहाबाट नियन्त्रणमा लिइएको सप्तरीका प्रहरी प्रमुख एसपी राजेन्द्र विष्टले जानकारी दिए ।

प्रदेश नम्बर २ को भौतिक पूर्वाधार विकास मन्त्रालयद्वारा सञ्चालित योजना अन्तर्गत सप्तरीको अग्नीसाईर कृष्णासवरण गाउँपालिकामा कीर्ते उपभोक्ता समिति गठन गरिएको प्रकरणमा गोइतमाथि छानबिन गर्न नियन्त्रणमा लिइएको सप्तरी प्रहरीले जनाएको छ ।

पूर्वाधार विकास डिभिजन कार्यालय सिरहा अन्तर्गतको सम्पर्क इकाई कार्यालय राजविराजमा छ ।

यसअघि यही प्रकरणमा प्रहरीले पूर्व सभासद् तथा राजपा नेपालका केन्द्रीय सदस्य विपी यादव तथा राजपा अर्का केन्द्रीय सदस्य हरि मण्डललाई नियन्त्रणमा लिइइको छ ।

रातो पासपोर्ट दुरुपयोग काण्डमा मुछिएका पूर्व सभासद् यादव सप्तरीको राजगढ गाउँपालिका–३ नर्घोका हरि मण्डल जिल्ला प्रहरी कार्यालय सप्तरीको हिरासतमा छन् । मण्डल स्थानीय शान्ति समितिका पूर्व संयोजक समेत हुन् ।

पक्राउ परेका दुवै जनामाथि सरकारी छाप दस्तखत कीर्ते मुद्दामा अनुसन्धान भइरहेको जिल्ला प्रहरी कार्यालय सप्तरीका एसपी राजेन्द्र विष्टले जानकारी दिनुभयो ।

यादव र मण्डलसहितको संलग्नतामा अग्निसाईर कृष्णासवरण गाउँपालिकाको लेटरप्याड, प्रमुख प्रशासकीय अधिकृत धीरेन्द्र यादव, २ नम्बर वडाध्यक्ष पशुपति चौधरी र ३ नम्बर वडाध्यक्ष अरुणकुमार चौधरीको छाप कीर्ते गरिएको प्रहरीले जानकारी दिएको छ ।

  • १५ बैशाख २०७६, आईतवार प्रकाशित
  • नेपाली स्टुडियाेमा प्रकाशित कुनै समाचारमा तपाईंको गुनासो भए हामीलाई mail.nepalistudio@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

    Nabintech