• ६ आश्विन २०७७, मंगलवार
राष्ट्रपति भण्डारी आज नै स्वदेश फर्किदै
  • स्टुडियाे संवाददाता

 

राष्ट्रपति विद्यादेवी भण्डारी चीन भ्रमण एक दिन छोट्याएर स्वदेश फर्किने भएकी छन।

समकक्षी सी जिनपिङको निमन्त्रणामा राजकीय भ्रमणमा गत बुधबार चीन प्रस्थान गरेकी भण्डारी आज बुधबार नै स्वदेश फर्किने सरकारी निकायले जनाएका छन्।

राष्ट्रपति भण्डारी ९ दिने भ्रमणका लागि ११ गते चीन प्रस्थान गरेकी थिइन। तर, उनी १८ गते नै स्वदेश फर्किन लागेको विशिष्ट व्यक्तिको भ्रमणको जानकारी दिने सूचना विभागले जनाएको छ।

सूचना विभागले दिएको जानकारी अनुसार राष्ट्रपति भण्डारी भोलि बिहान १० बजे काठमाडौं आइपुग्ने कार्यतालिका तय भएको छ।

चीनको राजकीय भ्रमणमा रहेकी राष्ट्रपति भण्ढारी मंगलबार बेइजिङबाट ल्हासा आइपुगेकी छन्। राष्ट्रपति भण्डारीलाई चिनियाँ कम्युनिष्ट पार्टी, तिब्बत स्वशासित क्षेत्र समितिका सचिव वु इङजीले त्यहाँको परराष्ट्र मन्त्रालयमा स्वागत गरेका थिए।

राष्ट्रपति भण्डारी बेल्ट एन्ड रोड इनिसिएटिभ (बीआरआई) को दोस्रो अन्तर्राष्ट्रिय सम्मेलनमा सहभागी हुन बेइजिङ गएकी थिइन्। उनले चीनका राष्ट्रपति सीसहितका उच्च अधिकारीसँग भेटवार्ता गरेकी थिइन।

भेटवार्ताका क्रममा चीन र नेपालबीच पारवहनसहितका महत्वपूर्ण समझदारीमा हस्ताक्षर भएको छ ।

  • १८ बैशाख २०७६, बुधबार प्रकाशित
  • नेपाली स्टुडियाेमा प्रकाशित कुनै समाचारमा तपाईंको गुनासो भए हामीलाई mail.nepalistudio@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

    Nabintech