• ४ आश्विन २०७७, आईतवार
त्रिभुवन विश्वविद्यालय एसियाको उत्कृष्ट ३०० भित्र
  • स्टुडियाे संवाददाता

 

त्रिभुवन विश्वविद्यालय एसियाको उत्कृष्ट विश्वविद्यालयको २५१ देखि ३०० भित्र परेको छ। बेलायतमा मुख्यालय रहेको टाइम्स हायर एजुकेसनले गरेको र्याङकिङमा त्रिभुवन विश्वविद्यालय २५१ देखि ३००औँ स्थानमा परेको हो।

नेपाल समाचारपत्र दैनिकमा समाचार छ, एसिया क्षेत्रको करिब ४८ मुलुकका चर्चित करिब तीन हजार भन्दा बढी विश्वविद्यालय छनोट गर्दा त्रिवि उत्कृष्ट ३०० भन्दा कम स्थानमा पुग्न सफल भएको छ। सो संस्थाले विश्वविद्यालय छनौट गर्न विभिन्न क्षेत्र तय गरेको थियो। र्याङकिङमा सहभागि हुन विश्वविद्यालयले सोही अनुसार विवरण पेश गरेको थियो।

सो संस्थाले गत वर्ष सन् २०१९का लागि विश्वभरका विश्वविद्यालयकालागि सार्वजनिक गरेको र्याकिङमा त्रिवि एक हजार भन्दामुनि परेको थियो। गत वर्ष गरेको निर्णय अनुसार त्रिवि ८०१ देखि एक हजारभित्र परेको जनाएको थियो।

यो वर्ष एसियाली मुलुकका विश्वविद्यालय छनौट गरी निर्णय सार्वजनिक गर्न लागेको हो। टाइम्स हायर एजुकेशनले मंगलबार त्रिविलाई इमेल पठाएर सन् २०१९को लागि सो विश्वविद्यालय ३०० भन्दा मुनी परेको उल्लेख गरेको थियो। संस्थाले एसियाको विश्वविद्यालयको अवस्थाबारे आज बुधबार नतिजा सार्वजनिक गर्दैछ।

  • १८ बैशाख २०७६, बुधबार प्रकाशित
  • नेपाली स्टुडियाेमा प्रकाशित कुनै समाचारमा तपाईंको गुनासो भए हामीलाई mail.nepalistudio@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

    Nabintech