• ४ आश्विन २०७७, आईतवार
रेशम बचाउको लागि सप्तरीको बालुवामा थरूहट राष्ट्रिय भेला गर्दै
  • स्टुडियाे संवाददाता

 

सप्तरीको कंचनरुप नगरपालिका ६ मा रेशम चौधरीको लागि एतिहासिक थरूहट राष्ट्रिय भेला गर्ने निर्णय गरेको छ ।

माननीय रेशम चौधरी बचाअौं अभियान संघर्ष समिति, सप्तरीले सप्तरीको कन्चनरुप नगरपालिका ६ को बालुवा चौकमा बचाउको लागि एतिहायहिक थरूहट राष्ट्रिय भेला गर्ने निर्णय गरेको जनाएको छ ।

अहि आउँदो बैशाखको २५,२६ र २७ गते सप्तरी जिल्लाको कन्चनरूप नगरपालिका ६ मा थरूहट राष्ट्रिय भेला गर्ने निर्णय गरेको हो ।

थरुहट आन्दोलनको क्रममा कैलालीको टीकापुर घटनामा मुद्दा खेप्दै जेल जीवन बिताएर थुना मुक्त भएका थरुहटका महान योद्धा लक्ष्मण थारूले सप्तरीमा थारू र थरुहटको नाममा विशेष सम्बोधन गर्ने संघर्ष समिति सप्तरीले जनाएको छ ।

टीकापुर घटनामा अदालतले आजिवन काराबास कैदको फैसला सुनाइएका सांसद रेशम चौधरी सहित ११ जना रिहाइ लगायतका माग राखेर माननीय रेशम चौधरी बचाउ अभियान संघर्ष समितिले थारु राष्ट्रिय भेला सप्तरीमा गर्ने भएको छ ।

भेलामा थारू कल्याणकारिणी सभा केन्द्रिय कार्य समिति, जिल्ला कार्य समिति, थाकसका भातृ संगठन, सांसद, थारू नेता, थारू वुद्धिजिवी, युवा, महिला, विधार्थी, पेशागत संघ संस्था, थारू सम्बद्ध संस्था, थारू सांसद तथा पुर्व सभासद/सांसदहरूलाई अामन्त्रण गर्ने निर्णय समेत भएको छ ।

भेलाले राष्ट्रिय संघर्ष समिति गठन तथा अान्दोलनको कार्यक्रमहरू तय गरि घोषणा गर्ने कार्यक्रम रहेको थारु जानकारहरुले बताए ।

यश थारू राष्ट्रिय भेलामा सम्पूर्ण सप्तरी जिल्ला बासी, थारू बुद्धिजीवी,समाजसेवी,अगुवा,पत्रकार,नागरिक समाज,सम्पूर्ण संघसंस्था,क्लब,शिक्षक,महिला ,युवा,विद्यार्थी र सम्पूर्ण न्यायप्रमि जनसमुदायमा उपस्थितिका लागि माननीय रेशम चौधरी बचाअौं अभियान संघर्ष समिति, सप्तरीले अनुरोध गरेको छ ।

  • २२ बैशाख २०७६, आईतवार प्रकाशित
  • नेपाली स्टुडियाेमा प्रकाशित कुनै समाचारमा तपाईंको गुनासो भए हामीलाई mail.nepalistudio@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

    Nabintech