• ४ आश्विन २०७७, आईतवार
सप्तरीमा हावाहुरीको कारण दर्जनौं घरमा क्षति
  • स्टुडियाे संवाददाता

 

सप्तरीको तिलाठी कोईलाडी गाउँपालिका र हनुमानगर कंकालनी नगरपालिकामा आइतबार राती आएको आएको हावाहुरीका कारण दर्जनौं फुस तथा टिनको छाना उडाएको छ ।

हावाहुरीले तिलाठी कोईलाडी गाउँपालिका वडा न.६,७ र ८ मा रूख बिरुवा, बिजुलीको पोल , किसानको कुखुरा फारम, विभिन्न बस्तीका ४५ वटा घरमा क्षति पुरयाएको छ ।त्यससँगै हनुमानगर कंकालनी नगरनगरपालिको विभिन्न ठाँउ तथा तिलाठी कोईलाडी गाउँपालिकाको मंसापुर र सडेपारमा रहेको दुई कुखुरा फर्म गरि ८ लाख बरावरको पुर्ण रूपमा क्षति भएको संचालकले बताए ।

त्यस्तै तिलाठी कोईलाडीमा हावाहुरीका कारण ५० वटा बिजुलीका पोलहरु समेत ढलेको छ भने कुनै मानविय क्षति नभएको गाँउपालिका अध्यक्ष सतिशकुमार सिँहले जानकारी दिए । यता पीडित परिवारका लागी गाउँपालिकाले आबश्यक सहयोगको लागि पहल गरिरहेको उनले बताए ।

  • १ जेष्ठ २०७६, बुधबार प्रकाशित
  • नेपाली स्टुडियाेमा प्रकाशित कुनै समाचारमा तपाईंको गुनासो भए हामीलाई mail.nepalistudio@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

    Nabintech