• ४ आश्विन २०७७, आईतवार
आफ्नै आमाद्वारा भोजपुरमा २२ महिने नाबालक छोराको हत्या
  • स्टुडियाे संवाददाता

 

भोजपुरको भोजपुर नगरपालिका-९ पानी ट्याङकीमा आफ्नै नाबालक छोराको हत्या गर्ने आमालाई प्रहरीले पक्राउ गरेको छ ।

जिल्लाको रामप्रसाद राई गाउँपालिका-८ घर भई पानी ट्याङकी स्थित आरती श्रेष्‍ठको घरमा डेरा गरि बस्दै आईरहेकी वर्ष २५/२६ की सम्झना थापालाई पक्राउ गरेको हो ।

थापाले २२ महिनाको आफ्नै छोरा सम्बोधन थापालाई धारिलो हतियार खुकुरीले घाँटी काटेर डेरा नजिक फालेको अवस्थामा शव फेला परेको थियो ।

घटना सम्बन्धमा आज बिहान ८ बजे जिल्ला प्रहरी कार्यालय भोजपुरमा खबर पाउनासाथ तत्काल खटिएको प्रहरी टोलीले निज सम्झना थापालाई नियन्त्रणमा लिई थप अनुसन्धान भईरहेको छ भने घटनास्थलबाट प्रहरीले १ थान खुकुरी र १ थान अचानो समेत बरामद गरेको छ ।

  • १४ जेष्ठ २०७६, मंगलवार प्रकाशित
  • नेपाली स्टुडियाेमा प्रकाशित कुनै समाचारमा तपाईंको गुनासो भए हामीलाई mail.nepalistudio@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

    Nabintech