• २ आश्विन २०७७, शुक्रबार
८ बर्षीय बालकको अपहरण गरी हत्या गरेको आरोपमा ३ जना पक्राउ
  • स्टुडियाे संवाददाता

  • [addthis tool="addthis_inline_share_toolbox_3o0r"]

 

बीरगंज महानगरपालिका-३ स्थित प्रगतिनगर वस्ने शम्भु साहको छोरा ८ वर्षीय करण साह लाई अपहरण गरि मारेको अभियोगमा प्रहरीले ३ जनालाई पक्राउ गरी बुधवार बिहान जिल्ला प्रहरी कार्यालय पर्सामा पत्रकार सम्मेलन मार्फत सार्वजनिक गरेको छ ।

पक्राउ पर्नेहरुमा भारत घर बताउने वीरगंज, प्रगतिनगर डेरा गरी वस्ने वर्ष अन्दाजी २०/२१ को विकाश शर्मा, जिल्ला बारा, कलैया उप-महानगरपालिका-११ वस्ने वर्ष अन्दाजी २१/२२ को सिकिन्द्र साह तेली र बारा, खपरताता वस्ने वर्ष अन्दाजी २०/२१ को राम विनेश महतोलाई नियन्त्रणमा लिइएको हो ।

गत शुक्रवार अपहरणमा परेका बालकको शव जिल्ला बारा कलैया उप- महानगरपालिका-२५ स्थित खौराही खोलामा १५ गते विहान ०२:०० बजे फेला परेको थियो ।

बालकलाई अपहरण गरे पश्चात जेठ १० गते राति नचिनेको मोवाईबाट रु. ३० लाख फिरौति रकम माग गरेको भनि प्रहरीलाई जानकारी भए पश्चात २ नम्वर प्रदेश प्रहरी कार्यालय जनकपुर र जिल्ला प्रहरी कार्यालय पर्साबाट संयुक्त रुपमा घट्ना अनुसन्धानको लागि खटिएको प्रहरी टोली परिचालित भई निजहरुलाई १४ गते पक्राउ गरिएको हो ।

लाश भएको स्थानमा अनुसन्धान भई रहदा प्रहरीलाई झुक्याई भाग्ने प्रयास गर्दा गोलि हानि नियन्तन्त्रणमा लिने क्रममा विकाश शर्मा र सिकिन्द्र साह तेली कम्मर मुनिको भाग दाहिने खुट्टामा गोली लागी घाईते भएका छन् ।

घाईते दुवैको कलैया अस्पतालमा उपचार पश्चात नारायणी उप-क्षेत्रीय अस्पताल, पर्सामा उपचार भईरहेको छ ।

बिकाश शर्मा पीडीत शम्भु साहको छिमेकी रहेको र बेलाबेलामा दुवैको झगडा हुने गरेकोले रिस फेर्न र फिरौति रकम उठाउनको लागि शर्माको योजनामा उक्त घट्ना घटाएको प्रारम्भिक अनुसन्धानबाट खुल्न आएको छ ।

  • १६ जेष्ठ २०७६, बिहीबार प्रकाशित
  • नेपाली स्टुडियाेमा प्रकाशित कुनै समाचारमा तपाईंको गुनासो भए हामीलाई mail.nepalistudio@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

    Nabintech