• २ आश्विन २०७७, शुक्रबार
छोराछोरीले १० प्रतिशत तलब बैंकमा नहाले जेष्ठ नागरिकले उजुरी गर्न सक्ने
  • स्टुडियाे संवाददाता

  • [addthis tool="addthis_inline_share_toolbox_3o0r"]

आफ्ना जागिरे सन्तानले प्रत्येक महिना उनीहरुको तलबको १० प्रतिशत रकम आफ्नो बैंक खातामा जम्मा नगरे जेष्ठ नागरिकले वडा कार्यालयमा उजुरी गर्न सक्ने भएका छन् । राष्ट्रियसभाले पारित गरेको जेष्ठ नागरिक सम्बन्धी ऐन २०६३ लाई संशोधन गर्न बनेको विधेयकको दफा ६ मा सो व्यवस्था गरिएको छ ।

अघिल्लो ऐनको धारा ८ लाई संसोधन गरिएको सो दफामा सार्वजनिक पद धारणा गरेका व्यक्तिले आफ्नो मासिक पारिश्रमिकको तोकिए बमोजिमको प्रतिशत रकम आफ्ना जेष्ठ नागरिक बाबुआमाको नाममा रहेको बैंक खातामा प्रत्येक महिना जम्मा गर्नुपर्ने व्यवस्था गरिएको छ ।

यस्तै, स्वरोजगार, व्यापार, व्यवसाय वा अन्य जुनसुकै किसिमको आय आर्जनबाट तोकिए बमोजिमको बार्षिक आम्दानी भन्दा बढी आम्दानी भएका व्यक्तिले तोकिए बमोजिमको रकम आफ्ना जेष्ठ नागरिक बाबुआमाको नाममा रहेको बैंक खातामा नियमित रुपमा जम्मा गर्नुपर्ने भनिएको छ ।

अन्तर्राष्ट्रिय वा गैरसरकारी निकायमा काम गरी नियमित पारिश्रमिक लिएका ब्यक्तिले पनि आमाबाबुको खातामा रकम जम्मा गर्नुपर्ने व्यवस्था गरिएको छ भने पेन्सन पाइरहेका व्यक्तिले समेत रकम जम्मा गर्नुपर्ने व्यवस्था छ ।

बाबुआमासँगै बसेका छन् भने उनीहरुको संयुक्त खातामा र भिन्न बसेका छन् भने पालन पोषण गर्नुपर्ने अवस्थामा रहेका बाबु वा आमाको खातामा रकम जम्मा गनुपर्नेछ । ऐन प्रारम्भको १५ दिन पछिबाट आमाबाबुलाई बैैंकमा रकम जम्मा गर्नुपर्ने वा नपर्ने बारेमा आफू कार्यरत कार्यालय वा स्थानीय तहमा जानकारी गराउनुपर्ने व्यवस्था गरिएको छ ।

उपदफा ११ मा रकम जम्मा गर्नुपर्ने दायित्व भएको व्यक्तिले रकम जम्मा नगरेमा निजको बाबु वा आमाले निज कार्यरत निकायमा वा स्थानीय तहमार्फत निवेदन दिन सक्ने व्यवस्था गरिएको छ । उपदफा १२ मा निवेदन परेपछि ब्यक्ति कार्यरत निकायको प्रमुखले त्यस्तो व्यक्तिको पारिश्रमिक जम्मा गर्न सम्बन्धित अधिकारीलाई आदेश दिने व्यवस्था गरिएको छ । यो ऐन प्रमाणिकरण हुन बाँकी छ ।

  • १२ असार २०७६, बिहीबार प्रकाशित
  • नेपाली स्टुडियाेमा प्रकाशित कुनै समाचारमा तपाईंको गुनासो भए हामीलाई mail.nepalistudio@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

    Nabintech