• ७ आश्विन २०७७, बुधबार
फूलपातीको दिन सप्तरीको विभिन्न मन्दिरमा भक्तजनहरुको भीड
  • स्टुडियाे संवाददाता

 

नेपालीको महान् चाड विजयादशमीको साताै दिन सप्तमी अर्थात् (फूलपाती)का दिन आज बिहानैदेखि सप्तरी जिल्लाको विभिन्न देवीदेवताका मन्दिर एवम् शक्तिपीठमा श्रद्धालु भक्तजनको भीड लागेको छ ।

पूर्वाञ्चलकै प्रसिद्ध शक्तिपीठ छिन्नमस्ता भगवती मन्दिरमा बडादसँैको घटस्थापनादेखि आज फूलपातीको दिनसम्ममा नेपाल तथा छिमेकी राष्ट्र भारतबाट लाखौँको सङ्ख्यामा श्रद्धालु भक्तजन पूजाआजाको लागि आएको मन्दिरका पुजारीले जानकारी दिनुभयो ।

त्यस्तै, पूर्व–पश्चिम राजमार्गमा पर्ने पूर्वाञ्चलकै प्रसिद्ध सप्तरीको हनुमाननगर कंकालिनी नगरपालिका भारदह स्थित कंकालिनी भगवती मन्दिरमा समेत घटस्थापनादेखि आज फूलपातीसम्ममा लाखौँको सङ्ख्यामा श्रद्धालु भक्तजनले पूजा गर्ने जनाएको छ ।

साथै, आज फूलपातीको दिनमा झन भीड लागेको छ । यो मन्दिरमा प्रत्येक वर्ष महानवमीका दिन राँगाको बलि दिने चलन रहेको छ । यस्तै, सप्तरीको राजविराजस्थित राजदेवी मन्दिर र भगवती मन्दिरमा समेत भक्तजनको भीड लागेको पूजाआजाको लागि घुइँचो देखिएको छ ।

त्यस्तै, पातोस्थित माँ डाक्नेश्वरी मन्दिरलगायत जिल्लाका विभिन्न मन्दिरमा पनि दर्शनार्थीको भीड बिहानै देखि लागेको छ । तस्बिर : डाक्नेश्वरी नपा ।

  • १८ आश्विन २०७६, शनिबार प्रकाशित
  • नेपाली स्टुडियाेमा प्रकाशित कुनै समाचारमा तपाईंको गुनासो भए हामीलाई mail.nepalistudio@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।

    Nabintech